Старшыня Ляхавіцкага райвыканкама Мікалай Мароз сустрэўся з работнікамі падраздзяленняў Ляхавіцкай райбальніцы і ўручыў ключы ад новага аўтамабіля «Газэль NEXT», набытага для ЦРБ за кошт сродкаў, заробленых землякамі на раённым суботніку

Галоўны ўрач ЦРБ Аляксей Майсей падзякаваў раённай уладзе за падтрымку медыцыны і адзначыў, што і ў 2025 годзе райбальніцы выдзелена значнае бюджэтнае фінансаванне, накіраванае, у тым ліку, на капітальны рамонт галоўнага корпуса бальніцы і набыццё неабходнага медабсталявання.

Кіраўнік раёна акцэнтаваў увагу медыкаў на тым, што сярод асноўных задач пяцігодкі якасці - павелічэнне працягласці жыцця беларусаў і дэмаграфічная бяспека. Як яны будуць выконвацца, шмат у чым залежыць і ад працаўнікоў устаноў аховы здароўя.
Мікалай Мароз запэўніў, што падтрымка медустаноў і работнікаў гэтай сферы будзе і ў далейшым адчувальная.
Таксама ўзнімаліся пытанні замацавання маладых кадраў, настаўніцтва, павышэння якасці медабслугоўвання насельніцтва.

Информация с сайта: Ляховичский вестник